На државен трошок отсега ќе може да се прават шест ин витро оплодувања, наместо три како што беше досега, и тие се бесплатни за пациентките. Тоа се овозможува со измените на Законот за здравствена заштита кои беа донесени на 10 јули.
Главна новина: Биомедицинско потпомогнато оплодување БПО (Ин- витро)
- БПО е вклучено во основниот пакет на здравствени услуги
- Наместо 3 – од сега 6 обиди на товар на Фондот (без партиципација)
- Со добро менаџирање и организација, се скрати рокот за одлучување – од 3 месеци на 2 недели
- Дигитализирана и поедноставена постапка -Е ваучер
Постапките се извршуваат во осум здравствени установи во земјава, а следниот чекор, според ФЗО, ќе биде финансиска поддршка на криопрезервација, односно замрзнување на јајце-клетки за идна употреба и поддршка за Клиниката за гинекологија во создавањето на национална банка за репродуктивен материјал (јајце-клетки и сперма) за зголемување на пристапноста до репродуктивни третмани.
Во 2024:
- 1.495 барања за БПО (1.280 за прво дете)
- 89,5 милиони денари исплатени за 1.106 реализирани обиди
Следни чекори:
- Финансиска поддршка за криопрезервација
- Национална банка за репродуктивен материјал
Олеснето лекување во странство
- Рокот за одлучување се скратува од 45 на 30 дена
- Второстепената комисија решава само по жалби
- Во 2024: 273 одобрени лекувања за 488 милиони денари,
Нов модел на управување со Фондот
- Се враќа концептот на еден директор и еден заменик-директор
- Изедначени права од здравствено осигурување за странци со регулиран престој во нашата земја
- Жалбената постапка преминува во надлежност на Државната комисија за одлучување од втор степен
Фондот продолжува да ги шири правата на осигурениците, да го поедноставува системот и да гради поправедно и пофункционално здравство.
